વાસ્તવિકતા

તળીયેથી પડ્યા તો ઉંચકાઇ ગયા,

ઉંચાઇએથી પડ્યા તો પટકાઇ ગયા,

વાસ્તવિકતા જ છે અહીં પડવા-ઉઠવાની,

રમતા રમતા કેટલાંયે તો દટાઇ ગયા,

ગમે કે ના ગમે આ તો ભોગવવું પડશે,

છટકાશે નહીં અહીંતો બંધાઇ ગયા,

મનોદશાની ભાંગતુટ અહીંતો રોજીંદી છે,

હારેલી હિંમતવાળા તો ખોવાઇ ગયા,

મનોમંથન જ છે જીવનમાં એકધારું,

વિચારોમાં રખડ્યા તો અટવાઇ ગયા,

નીકળે રોજ મંથનથી અહીં વિષ ને અમૃત,

પચાવી લીધા બંનેને તો દેવતાઇ થયા.