તારૂં વરસવું
તારૂં વરસવું
તારા વગર આમ જ પલળીને બળવું,
ભીની ભીની ને ભવ્ય બુંદોથી સળગવું !
ને આ પહેલા પહેલા વરસાદમાં જ જો,
ઇન્તજારની આગમાં બળીને તડપવું !
પછી તો એક બુંદના શીતળ સ્પર્શ થકી,
ભીતર છુપાયેલી આગનું સળવળવું !
આ કેવી અજબ ગજબની અંતર જ્વાળા,
જલતા જલતા પણ પાછું થરથરવું !
ને ઉપરથી ભય ભયાનક મેઘાડંબરનો,
ને એમાં તારી યાદોના વાદળોનું ગરજવું !
યાદોનું ઈંધણ તો ઓર ભડકાવે આગને,
ને આ વીજળીનું નાગણ બનીને ડંસવું !
આસમાનમાંથી પાણી વરસે છે કે શરાબ?
અમારે તો આ ધોધમારમા પણ તરસવું !
"પરમ" અગ્નિમાં જલી ને નિખરી હું આજ,
"પાગલ" કરી ગયું મને આજ તારું વરસવું !