વાર્તા કહું છું સાંભળો

એક સીધા સાદા જણ વિશે વાર્તા કહું છું સાંભળો

પછી તેમાં રહેલા રાવણ વિશે વાર્તા કહું છું સાંભળો

 

પ્યાસમાં મૃગજળની રહ્યા સદા ભટકતા આમતેમ

ચોતરફ વિસ્તરતા રણ વિશે વાર્તા કહું છું સાંભળો

 

નથી કરી શકાતું વ્યાખ્યાયિત કોઈ ચોકઠામાં

ચાલ એવા સગપણ વિશે વાર્તા કહું છું સાંભળો

 

એ ગામ એ પાદર એ વડલો એ ફળિયું અને ઘર

ચાલ મારા બચપણ વિશે વાર્તા કહું છું સાંભળો

 

ચાલી જઈશું કોઈ દિવસ ગુમાવીને 'હોશ' અહીંથી

બે શ્વાસો વચ્ચેના જીવતર વિશે વાર્તા કહું છું સાંભળો