આઝાદી
આઝાદી


છે કિંમતી મળશે તમને નહિ સરળ સસ્તીની આઝાદી,
ગંભીર બનો ભાઈ થોડી નકરી જ મસ્તીની આઝાદી,
કો' છો આપી છૂટ પસંદગીની તમને અભિહાલે,
બીજી તરફ કરે માથે તું જબરદસ્તીની આઝાદી,
મંઝિલે તો જ પહોંચીશું જો ચોક્કસ દિશામાં જઈશું,
નહિ તો થશે મઝધારે ડૂબતી આ જ કશ્તીની આઝાદી,
અખબારે બનતી મેઈન સમાચાર મથાળે મોટા મોટા શબ્દોમાં,
સૂરજ ઢળતા થઈ જાયે છે વાસી જ પસ્તીની આઝાદી,
છોને ટળવળતી ભૂખ ગરીબી ભ્રષ્ટાચાર મહી હંમેશાને,
કેને ગણશે છેવાડે રેતી આ જ વસ્તીની આઝાદી,
મેળવવા હક સૌ ટાંપીને તો બેઠા છે તરત જ ઉપડ્યા લોકો,
દેખાડે કોણ અહીં સ્વજન તે ફરજપસ્તીની આઝાદી,
દંડાતા ચોર મુઠ્ઠી જયારે મ્હાલે ફૂંકનારા અબજો મોજેથી,
મારી બે-ચાર સવારે સાંજે જે ગશ્તીની આઝાદી,
જતન કરવું કઈ રીતે એ તો ભણતર લેવુ રહ્યું 'હોશ'
તો રે'શે જીવંત હું ને મારી હસ્તીની આઝાદી.