ઉત્તરાયણ

ભૌગલિક રીતે સૂર્ય ઉત્તર તરફ ગમન કરે,

એ ઉત્તરાયણ; પણ આ તો વિજ્ઞાન માટે,

અમારે તો ઉત્તરાયણ,

એટલે પતંગ અને દોરી.

અરે સુરતી માંજાથી મંજાયેલી મસ્ત દોરી,

અને આકષૅક ખંભાતી પતંગ.

કોઈક માટે એ ઉત્તરાયણ,

પ્રેમ પત્ર પહોચાડવાનું માધ્યમ,

તો કોઈક માટે પતંગની રેસમાં,

દુશ્મની કાઢવાનું માધ્યમ,

જે હોય એ પણ ડી.જેના તાલ પર,

પતંગની આકાશમાં શાહી લતાર,

અને રહયા અમે સુરતી;

ખાવા વિના કયા પતે તહેવાર,

તો વિના ઊધુંઆ-જલેબી,

કેમ પતે ઉત્તરાયણ,

સાથે તલ -ગોળનું મિશ્રણ,

જીવનમા હળી-મળીને રહેવાનું શીખવી જાય,

અને ઉત્તરાયણ એટલે,

"કાયપો છે"ની ગૂંજ.