તું

તું એટલે કોણ?

સતત વિસ્તરતું રહેતું અસ્તિત્વ,

ખુદ માં જ ખુદ બની પાંગરે,

ને મારા મા તો ઘેઘૂર ઘનઘોર વિસ્તરે,

સાહેબ... આ મારું મન છે,

કંઈ તમારી જાગીર નથી,

એ સંભાળે છે જ ક્યાં?

એ તો ફેલાયા કરે છે સતત,

હુંની દીવાલો તોડીને,

હુંની હસ્તી મિટાવી,

તુંનું ચણાવી જબરું ચણતર,

તુંનું જ પાક્કું લીપણ,

તુંની જ ઈંટો ને તુંની છત,

ને મારી અંદર વિકસતું તુંનું એક ઘર,

સતત અવિરત વિસ્તરતું,

પાંગરતું, ફેલાતું આ તું નું ઘર..!