તું વરસાદ
તું વરસાદ
મન ભીંજાય, તન ભીંજાય, ભીંજાય આખો તું વરસાદ;
વાતા વાયરા લાવે મીઠો સંદેશ ને ભીંજાય તું વરસાદ,
ગોરંભાતું આવડું આકાશ ને ફરી વળતો તું;
કેટકેટલી વણઝાર યાદોની લાવે તું વરસાદ,
મહેક આવે ભીની માટીની દૂર વન વગડેથી;
હૈયાં બને તરબતર ને પોંખાય પહેલો તું વરસાદ,
ધીમી ફરફરે આવે કે આવે ઝાપટે જોરદાર;
જેમ ફાવે એમ આવતો પણ આવતો તું વરસાદ,
અષાઢ શ્રાવણ તો તારા ચાતક કહેવાય;
પણ સાચું જ કહેજે !
કોની આંખોનો કહેવાય તું વરસાદ ?