તું જ મારી પ્રેરણા
તું જ મારી પ્રેરણા
તારી લોરી હું સાંભળી પારણામાં,
પોઢી જતી હોઈશ હું મીઠાં શમણાંમાં.
તારી વાતોમાં, ગીતોમાં, શબ્દોમાં,
તારા સ્પર્શમાં, વ્હાલમાં, પાલવમાં,
તારી મમતા ભરી નજરુની સોગાતમાં,
કેવી રહી હશે એ પ્રેમાળ રાતો !
જાણું હું, 'મા'
છે મારી ઝંખના તું, મારી તૃષ્ણા તું,
ન તું હતી, ન તારી વાતો, ન એવી રાતો
ન તારી મમતા ભરી નજરુની સોગાતો,
નથી મીઠાં શમણાંના કોઈ સંભારણા.
ભલે, રહી 'મા'
મારી ભ્રમણા તું, મારી ધારણા તું,
છતાં કલ્પનારૂપી છે મારી પ્રેરણા તું !