તું દોર,અને હુ પતંગ છું
તું દોર,અને હુ પતંગ છું
મારું પ્રેમાળ હૈયું તને સોંપું છું સાચવી લેજે,
તારા તપતા હૈયા માટે શીતળતા મેળવી લેજે.
ખીલેલા બાગ જેવું છે આપણું આ જીવન,
સ્નેહના સાચા ફૂલોથી હૈયાને સજાવી લેજે.
બાંધ્યો છે જીવનનો માળો બંને સાથે મળી,
પંખીઓના કલરવ થી એને ગુંજાવી દેજે.
તારા સંગાથે પાર કરવો આ જીવન સાગર,
સાથ મળી શમણાંઓ ને સજાવી દેજે.
તારા પ્યાર થકી જ ચાલે મારા જીવનની નાવ,
બસ તું મારા પ્યારને તારા હૈયે સમાવી લેજે.
તું દોર ને, હું પતંગ છું આ જીવનના આકાશે,
મારી પતંગને સફળતાના આભે ચડાવી દેજે.