તું આવીશ ને

જ્યારે પણ તને યાદ કરું ત્યારે,

મને મળવા તું આવીશ ને,

જ્યારે તને યાદ કરીને રડું તો,

મારા આંસુ લુછવા તું આવીશ ને !

જીંદગીના સફરમાં મારાથી કોઈ ભૂલ થાય,

તો એને સુધારવા તું આવીશ ને,

જીંદગીના આ સફરમાં જો તારા સાથની જરૂર પડે,

તો તું આવીશ ને !

મને ચાહ તો છે મૃગજળની છતાં,

પણ મારી તરસ છીપાવા તું આવીશ ને,

હું ભૂલી જવું કોઈ માર્ગ,

તો રસ્તો બતાવવા તું આવીશ ને !

મારા જીવનનું દરેક પાનું છે કોરું એમાં તારી કલમથી,

તારુંનામ લખવા તું આવીશ ને,

મારા સપનાની દરેક કહાનીનો રાજા તું જ છે,

તો મને તારી રાણી બનાવવા તું આવીશ ને !

મારી આ આંખો જ્યારે પણ તને નિહાળવા તરસે,

તો એને દેખા દેવા તું આવીશ ને,

મારા હોઠ કઈ કહેવા ખુલે પણ મારી પાસે શબ્દના હોય,

તો વાંચા બનવા તું આવીશ ને !

મારી જીંદગીનું અણમોલ રતન તું છે,

દિલમાં કરવું છે કેદ તો તું આવીશ ને,

જીવનની પૂંજી ની જેમ સાચવીશ તને હું,

મારી પૂંજી બનીને તું આવીશ ને !

મારા દરેક સાજ શ્રીંગાર અધૂરા છે તારા વિના,

એને પૂરા કરવા તું આવીશ ને,

સોળે શણગાર સજાવીને રાહ જોઇશ હું તારી,

મને સાથે લઈ જવા તું આવીશ ને !

મારું અસ્તિત્વ કઈ નથી તારા વગર,

તો મારું અસ્તિત્વ બનીને આવીશ ને,

મારા આ બે રંગ જીવનમાં,

તારો રંગબેરંગી પ્રેમ ભરવા તું આવીશ ને !

હક તો ઘણો છે તારો મારા પર,

તો એ હક જતાવવા તું આવીશ ને,

હું પણ તને પ્રેમ કરું છું એ,

પ્રેમ ભર્યા જૂઠા શબ્દ કહેવા તું આવીશ ને !

વિયોગમાં તારા મળે છે પલ પલ મોત મને,

એ મોતનો તોડ કાઢવા તું આવીશ ને,

તારા પ્રેમથી છલોછલ ઝેરનો પ્યાલો,

તારા હાથે પીવડાવવા તું આવીશ ને !

હું રાહ જોઇશ તારી, મારું દિલ કહે છે,

એકવાર તો મને મળવા તું આવીશ ને,

જ્યારે પણ તને યાદ કરું ત્યારે,

મને મળવા તું આવીશ ને.