તો કેવું !

સ્નેહના વાદળમાં તું ને હું ભેગાં થઈ,

ઝરમર મેહુલા સાથે વરસીએ તો કેવું !

પ્રીતની વાદળીમાં ખોવાઈ જઈ, 

નીતરતા આભમાં ભીંજાઈ જઈએ તો કેવું !

મેઘરાજાની મહેરમાં તરબોળ થઈ,

અનરાધાર હૈયું હરખાવીએ તો કેવું !

રૂપેરી ધરા પર પગલાંની છાપ બની,

મોરના ટહુકાર સંગ નાચીએ તો કેવું ! 

રચાયું છે મેઘધનુષ આભમાં, તું રંગીન બની,

નજરમાં મારી રંગો ભરી વસી જાય તો કેવું ! 

મંદ મંદ વાતાં વાયરા સાથે ડોલી, 

કાનમાં મારા મધુરું ગુંજન બને તો કેવું ! 

આંખોથી આંખો મળી તારી ને મારી, 

વરસાદ હવે મુશળધાર વરસે તો કેવું !