તિરંગો

આઝાદીનો અમૃત મહોત્સવ ઉજવવા આતુરતા છે,

હરઘર તિરંગા લહેરાય એ બૂમાબૂમની ભરપૂરતા છે,

કોઈ પૂછશે જરા જઈને એ ધ્વજને એની મરજી શું ?

દરેક સાલ થોડી વાર ફરકવાની એનેય ક્ષુલભતા છે,

ક્યારેક લપેટાય વીર શહીદ પર, ક્યારેક રસ્તે રઝળતાં,

ક્ષણો અસહ્ય પીડામાં એ નિ:શબ્દ રહી સળગતા છે,

શૌર્ય તણુ તિરંગાનું ઉચ્ચ સ્થાન બિરાજેલ ખરુજ,

રોજગારી, ભ્રષ્ટાચાર રાક્ષસ સામે કેમ ઝૂકાવતા છે,

થોડી ગરિમા જળવાય તો જ તિરંગો લહેરાતો ‌રાખવો,

સાંજ પડે તમાશબીન સમ એ તિરંગાને શરમાવતા છે.