થયાં છે

તું મસ્તક ઝૂકાવે એ મૂર્તિ નથી હું,

તારો સ્પર્શ પામવાને પગથિયાં થયાં છે.

કે ,પી ના શકે તું જ વિના કોઈ મુજને,

ખારા એથી તો જળ સાગર થયાં છે.

અતિથિની તિથિ એ નક્કી નથી કંઈ,

જુઓ દ્વારે હૃદયમાં એ હાજર થયાં છે.

મુજમાં 'સત્ય' બની ને છૂપાયું હતું એ,

આજે જાહેરમાં સૌની નજર એ થયાં છે.

નહોતી ખબર મુજમાં ધબકી રહ્યો તું,

મારી જિંદગીનાં એ બાકી શ્વાસ થયાં છે.

નામ તારું એ મારી કલ્પના હતી બસ,

જુઓ ને આજે એ તો હકીકત થયાં છે.

કે હતી આશ એ મારી પૂરી થઈ ક્યાં,

એ 'પ્રતિતી'ના શમણે નિવાસ થયાં છે.