તારી ચાહત લાવી રાહત

બરફ જેવી થીજી ગઈહતી લાગણી ઓ મારી,

એક કુમળો તડકો બનીને આવ્યો તું,

સોનેરી સૂરજનું કિરણ સાથે લાવ્યો તું,

હતું દામન મારું આંસુઓથી ભરેલું,

મુસ્કાનના મોતીઓ લાવ્યો તું,

મઝધારે જ હાલક ડોલક થઈ મારી નાવ,

પણ નાવિક બનીને આવી ગયો એક તું,

હતી હું તો પથ્થરનો ટુકડો,

તારા પ્રેમના ટાંકણે હું મુરત બની ગઈ,

જો ને! અદભૂત શિલ્પી બની ને આવ્યો એક તું,

જીવનની કાંટાળી ડગર પર અટવાઈ હું,

માર્ગદર્શક બની ને આવી ગયો એક તું,

તૂટેલી વીણાનો તાર હતી હું,

સાત સુરોની સરગમ લાવ્યો એક તું,

મારા જીવનમાં રાહત લાવ્યો તું.