તારા વિના
તારા વિના
તારા વિના સૂરજ તો ઊગ્યો પણ આ આથમી ગયું મારું મન,
તારાં વિના આ ફૂલો તો ખીલ્યા પણ
કરમાઈ ગયું મારું વદન,
તારાં વગર હવા તો અલ્લડ બનીને વહે છે,
પણ મારી આંખો તરસે તારી ઝલક,
તારાં વિના આ પંખીઓ તો ટહુકે પણ આ મારું મનડું લાગે ખૂબ ઉદાસ,
તારાં વિના આ વાદળ તો વરસે પણ હર એક બુંદ હૈયે લગાવે આગ,
તારાં વિના આ ચાંદ સિતારાઓ ઝગમગે
પણ મારા હૈયે અમાસ જેવો અંધકાર,
તારાં વિના પસાર તો થઈ જાય સમય પણ,
એક એક ક્ષણ મને લાગે વરસો જેટલી,
તારાં વિના બાગે વસંત તો આવે છે પણ,
મારા હૈયાના બાગે સદા પાનખર,
તારાં વિના તો દુનિયાં ચાલે જ છે પણ,
હું તો જાણે જીવતી લાશ,
તારાં વિના થાય છે સઘળો વ્યવહાર પણ,
જાણે લાગે કોઈ સંગીત વિનાનું ગીત,
જાણે ફૂલો વગરનો બાગ,
જાણે ચાંદ સિતારા વિનાનું આકાશ.