તારા વિના કરમાયુ મારું વદન

તારી યાદોથી ખીલી ગયું મારું હૈયાનું ઉપવન,

તારી યાદોથી મહેકી ગયું મારું આ જીવન.

તન બદન મારું કરે મોરની જેમ થનગનાટ,

તારી એક ઝલક જોઈ હરખાઈ મારું મન.

તારી તલાશમાં દર બદર ભટકે છે મારું મન,

લાખોની ભીડમાં પણ તને શોધે આ લોચન.

આ કોયલના ટહુકામાં,મોરના થનગનાટમાં,

તને જ શોધી રહ્યું છે મારું પાગલ મન.

તારા વિના લાગે જાણે સાવ સુનો સંસાર !

લાગે જાણે! વસંતમાં તારાજ થયું ઉપવન.

તારી એક ઝલક જોવા માટે તરસી ગયું મન,

તારા વિના કરમાયું મારું આ ગુલાબી વદન.

તારી તલાશમાં ભૂલી પડી ગઈ છું હું,

ભટકી રહી છું શોધવા તમે વન વન.