સ્વીકાર

ચાલ આજ એકાંતને પણ,

મનભરીને માણી લઉં,

જાતને પણ ઊંડાણથી,

શાંતચિત્તે તપાસી જોઉં.

વીતેલો સમય,ડૂબતો સુરજ,

વહેતુ પાણી, ને ખરતું પર્ણ,

કુદરતના આ ક્રમને પણ ચાલ,

ખુશીથી સ્વીકારી જોઉ.

બાળપણ,કિશોરવસ્થા યુવાની ને વૃદ્ધત્વ,

કુદરતની આ કડીઓને પણ,

મેળાના ચકડોળની જેમ,

સાક્ષીભાવે નીરખી જોઉં

જીવનદોરીમાં સમયાંતરે ઘણીવાર,

ગાંઠો વળી ગઈ છે,

રસ્સી જો સીધી ને સરળ થતી જ હોય તો

વણઉકેલી ગાંઠોને જરા ઉકેલી જોઉં

માયા સંબંધોની મુકવી અઘરી છે,

ને મુકવી પણ છે શું કામ ?

બસ, થોડો વિરામ આપી એની,

ગહેરાઈ ને પણ માપી જોઉં.

અંત તો નિશ્ચિત છે દરેક વસ્તુ નો,

અહીં 'નિપુર્ણ'

બાંહો ફેલાવી,ખુલ્લા મનથી,

એને પણ અપનાવી જોઉં.