સુંદરતા

મારા સ્પ્લેન્ડર ને એમના એકટીવા વચ્ચે ટકરાવ થઈ ગયો,

આ થતાં જ એકટીવાવાળીનો ચહેરો લાલઘુમ થઈ ગયો,

એમનો ગુસ્સો જોઈ મેં વિચાર્યું આજે તો મર્યાં

અને હું પરસેવે રેબઝેબ થઈ ગયો,

એ બોલ્યા એ ભૂલની સજા તારે ભોગવવી પડશે,

મેં વિચાર્યું આજનો દિવસ સાલો ખરાબ થઈ ગયો,

એ બોલ્યા જરા ધીમેથી ચલાવતો હોય તો

ડાફોળીયા છોકરીઓ બાજુ ઓછા મારતો હોય તો,

વળી પાછો બોલો છે ભૂલથી ટકરાવ થઈ ગયો,

મેં વિચાર્યું મનમાં કંઈક કરું ઉપાય છટકવાનો

મેં કહ્યું સુંદર ચહેરો જોઈ તમારો, ભાનભૂલી ટકરાવ થઈ ગયો,

એ મનમાં તો મલકાઈ ગયા પણ 

એ ગુસ્સો જાતે કરી કર્યો ને ચહેરો એમનો લાલ થઈ ગયો,

મેં કહ્યું હવે હું જાઉ મેડમ મારી ઓફિસને ટાઈમ થઈ ગયો,

એ ધીરેથી બોલ્યા ફરી કયારે ટકરાશો ?

અને હું તો રસ્તા વચ્ચેજ ઘાયલ થઈ ગયો.