સુખનું દ્વાર પરિવાર

પરિવાર જો હોય સાથે તો જિંદગી જાજરમાન છે,

આપણે છીંએ પરિવાર માટે અને પરિવાર આપણું સ્વાભિમાન છે.

 

પરિવાર સાથે જીવવાની મઝા જ છે કાંઈક અલગ,

સંયુકત પરિવાર, આપણી સંસ્કૃતિની શાન છે.

 

આધી, વ્યાધી અને ઉપાધિ તો હોય છે દરેકની જિંદગીનો ભાગ,

હોય પરિવાર સાથે તો, દરેક મુશ્કેલીનું સમાધાન આસાન છે.

 

સામાજીક સમીકરણો અને સમસ્યાનું મળી રહે છે વ્યવહારીક જ્ઞાન,

સહજ અને પ્રેમાળ બાળ ઉછેર માટે, સંયુકત પરિવાર એક વરદાન છે.

 

થોડું જતું કરવાની ભાવના જો હોય ને આપણી જિંદગીમાં,

તો સંયુકત કુટુંબની પ્રથા, ઘણું બધું આપવા શક્તિમાન છે.

 

ભારતીય સંસ્કૃતિનું પ્રસિદ્ધ સૂત્ર છે ‘વિશ્ર્વ છે એક પરિવાર’

પરિવારની ભાવના થકી, સમગ્ર સૃષ્ટિનું ઉત્થાન છે.