સત્યનું હટાણું

કરવા ગઈ સત્યનું હટાણું;

પણ મળ્યું મોહરા પાછળનું જૂઠાણું,

ન બગડે, ન વાસ મારે, લ્યો મુખોટાનું જૂઠાણું;

ખબર ન પડે એમ, ડંખ મારે આ માનવનું જૂઠાણું,

માનવ...ભાર લાગશે તને મુખોટાઓનો;

પણ નીતિમત્તા શીખવશે સત્યતાનો રસ્તો,

જગતના દરેક મુખોટા હશે મીઠા;

જોશું ઊંડે, તો છે દરિયાના પાણી જેવા ખારા,

મીઠા શબ્દોથી આકર્ષે મોહરા પાછળનું જૂઠાણું;

કડવા શબ્દોથી સમજાવશે સત્યતાનું સમૂહગાણું,

માણસાઈમાં, ધરા, ગગને છુપાયું છે સત્યનું હટાણું;

ઠેર-ઠેર જોવા મળશે મોહરા પાછળનું જૂઠાણું.