સત્ય-અસત્ય

સત્ય અને અસત્યની હંમેશની મુંઝવણમાં

અર્ધસત્યને જ સત્ય માની લેવાય છે

પોતે સત્ય હોવા છતા જે સાબીત ના થઈ શકે

એ સત્યને પુરાવાના અભાવે અસત્ય માની લેવાય છે

આત્મવિશ્વાસ વિના બોલાયલા સત્યને

અસત્ય કેમ માની લેવાય છે ?

આત્મવિશ્વાસ સાથે બોલાયલા અસત્યને

સત્ય કેમ માની લેવાય છે?

સત્ય તો સત્ય છે એ બદલાતું નથી

પણ અસત્યની ચાદરથી એને ઢાંકી દેવાય છે

અસત્યની એ ચાદર ઉડી ના જાય એ માટે

લાગવગ અને પૈસાનું વજન મુકી દેવાય છે

જાણવા છતા સત્યને નજરઅંદાઝ કરીને

અસત્યને સ્વિકારી કેમ લેવાય છે ?

'સચે કા બોલબાલા જુઠે કા મુહ કાલા'

આ કહેવત ખોટી જ સાબીત થાય છે

નાનપણથી અસત્ય સાંભળી-સાંભળીને

ઘડપણમાં પણ સત્ય ક્યાં બોલાય છે ?

સત્યની મશાલ લઈને જો કોઈ નીકળે તો

અસત્યના વરસાદ થકી મશાલ ઓલવાય છે

પણ સત્ય તો ક્યાં બોલાય છે ?

સત્ય, ક્યાં બોલાય છે ?