સરતો સમય
સરતો સમય
સમય તો સદા સમયનું કામ કરે,
ઉદય કયાંક તો વિલયનું કામ કરે.
કોણ અટકાવી શકે એને વ્હાલા ?
ચીંધી આંગળીએ એ નામ કરે.
મહેફિલો જે ભરી ભરી રહેતી,
કદીક તેને ઉજજડ વિરાન કરે.
મૂરઝાયેલા ચમનમાં ફૂંકી પ્રાણ,
નિ:ષ્પ્રાણને પણ પ્રાણવાન કરે.
બદલીને પાસાં વિચારધારાના,
અણધાર્યું જ કોઈ તોફાન કરે.
વિચારેલું ત્યાં રહી જાય મનનું,
એવા આપણ ખોટાં અનુમાન કરે.
મારું, મારું કરી જીવી જે જિંદગી
એમાં જ જો ખુદને મહેમાન કરે.