સરખામણી

કોણ વધુ પ્રેમ કરે કૃષ્ણને, રુક્ષ્મણી કે પછી રાધા,

વિચાર આવો કરનારના પ્રેમમાં જ આવે બાધા,

કોણ છે વધારે મહાન, દ્રૌપદી કે પછી મીરાં,

પડયો નથી ફેર, પામ્યા છે જેણે કૃષ્ણ ને ખુદમાં જ પુરા.

કોણ વધુ નસીબદાર, કુબ્જા કે સત્યભામા,

માયા છે બધી ઈશ્વરની, નથી બીજો કોઈ ઉદ્દેશ્ય આમાં,

પડ્યા નહોતા આ બધા એ પળોજણમાં કે કૃષ્ણ છે મારા કે તમારા,

સ્વીકાર્યું એમણે કે એ યુગપુરુષ છે સમગ્ર વિશ્વના.

કૃષ્ણ સીમિત નથી નિપુર્ણ, કોઈ પણ દાયરામાં 

પ્રતિબિંબ છે અંતરમનનું, પામશો એટલા, ચાહશો જેટલા તમારી ઇચ્છામાં.