સ્પંદનોની સુવાસે

એક પ્યારની મહેકતી શ્વાસે,

હુંફાળા એ સ્પંદનોની સુવાસે,

પ્રિયજનનો આહ્લાદક વ્હાલ,

મને જો સાંપડે સલૂણો સાથ,

ઉન્માદ તો દિલમાં ઉભરાતો,

રોમેરોમમાં હું તને જ ચાહું !

આંખોનાં અનુપમ સૌંદર્યને,

હું ડુબતી અગાઢ ઉંડાણમાં,

પ્રેમરસને પીવાની એ ચાનક,

દિલાસો મળતો તારાં સહારે,

હદયનાં તાદમ્યને સ્પર્શતો,

રોમેરોમમાં હું તને જ ચાહું !

તારી સુરતને સ્મૃતિએ ધરે,

શમણાંની પ્યારી સોગાતે,

માદકતાએ મોહી વિસાત,

સ્થુળ જીવનનાં એ મુકામે

જિંદગીને આપમેળે રંગતો,

રોમેરોમમાં હું તને જ ચાહું !