FEW HOURS LEFT! Exclusive FREE session on RIG VEDA for you, Register now!
FEW HOURS LEFT! Exclusive FREE session on RIG VEDA for you, Register now!

Prajapati Bharat

Drama


3.5  

Prajapati Bharat

Drama


સફર

સફર

1 min 225 1 min 225

સૂર્યનાં કિરણો 

ઠંડાગાર સરોવરમાં ડૂબકી મારે

સાત રંગોનું ઉર્ધ્વગમન થાય 

કાળો રંગ છેતરે છે 

આંખો પર બાંધેલી પટ્ટીને 


સરોવરમાં હોડી સઢ વગર 

શ્વાસનો વેપાર કરે 

ઉછળકૂદ કરે 

આડી અવળી થયા કરે 

તરંગોને વીંધીને વિજય પતાકા લહેરાવે 


પંખીની ચાંચમાં તણખલું !

માળો બાંધશે કે તરાપો ?

કલાગીરી હશે 

એની પોતાની 

દરજીડો જેમ માળો સીવે એમ આ પણ તરાપો બાંધશે 

ને ભાડે આપશે જરૂર હશે એને 


ખંડેર થયેલા નગરને ચારેબાજુથી સન્નાટો ઘેરે છે 

પથ્થરના કાને અથડાયને પાછો ફરતો હવાની લહેરનો ધકકો 

ગાઉં ગાઉં સુધી પાછો ફરે છે 

બેહોશ પડેલી દિવાલો 

બોલાવે છે 

કોઈ એને માથે હાથ ફેરવે, વ્હાલ કરે 

એની વાત સાંભળે 

ને એને છેક સુધી વળાવી આવે 


પટ્ટી, સઢ, તરાપો, દીવાલો હજુય બોલે છે 

એના જ શબ્દો પડઘાયા કરે છે 

કોઈ સાંભળવા જશે ? 

બહેરો જોખમના લે.


Rate this content
Log in

More gujarati poem from Prajapati Bharat

Similar gujarati poem from Drama