Library
સંસાર
સંસાર
1 min
544
અહીં તો પ્રેમ, પીડા, આનંદનો, રસાસ્વાદ મધૂરો!
થઈ જાઉં રસતરબોળ સર્વમાં ,
રંગ ન મારો રહે એકેય અધૂરો !
છે આ તો રમણીય સંસાર !
ચિત્રમાં વિચિત્ર, વિચિત્રમાં ચિત્ર,
ગુપ્ત રંગોથી સજ્જ માયાળુ !
વિભિન્નતામાં ભિન્ન થવું પડે,
અનિવાર્યતાનો લઈને ગુણ દયાળુ!
છે આ તો રમણીય સંસાર!
નીતનવી રમતો રમાય,
ને ફેંકાઈ પાસાં અવળા અવળા !
સુઝબુઝથી જીતી લેવાઈ,
કરી અંતરના પાસાં સવળા !
છે આ તો રમણીય સંસાર!
સંજોગ હોય ગમે તેવા ,
છતાંય ન વિસરાઈ ઈશ ભક્તિને !
ગમતું ન મળે, યોગ્ય હોય એ મળે,
જાણીએ એ દૈવી શકિતને !
છે આ તો રમણીય સંસાર!
જે હોય ફરજ નિભાવીને ,
સંસ્કારી પુષ્પ સાર્થક કરી લઈએ !
નયનરમ્ય થઈ શોધીને અદ્રશ્ય 'સ્વપ્નીલ'ને ,
આ જ હક્ક લઈને જઈએ !
છે આ તો રમણીય સંસાર!
કડવો છતાંય મીઠો સંસાર!
'જળ કમળવત્' રહી માણીએ આ સંસાર!
