"સ્નેહનો દોરો લાગણીની સોય".
"સ્નેહનો દોરો લાગણીની સોય".
રિસાયેલી લાગણીને આજે મનાવી લઉં,
સોય દોરો બની ફરી એને સીવી લઉં.
પડેલી હોય ગાંઠ તો ઉકેલી લઉં,
તુટેલી લાગણીને ફરી હું જોડી દઉં.
આજે ભલે ને સંબંધની પાનખર હોય,
બસ સ્નેહનું જળ સીંચી વસંત ત્યાં લાવી દઉં.
પ્રયાસો થશે સદા સફળ મારા એવો વિશ્વાસ છે,
આજે જ વિખરાયેલી સંબંધની માળાને હું પરોવી લઉં.
રીસાયેલી લાગણીને આજે જ હું મનાવી લઉં,
સ્નેહના દોરા અને લાગણીની સોય થકી સંબંધના મોતીની માળા હું પરોવી લઉં.