સમયનો સાદ સૂણો લડવૈયા

ખુદ મેદાને હાલ્યું રણશીંગું

દે હોંકારો ધાજો રખવૈયા

સમયનો સાદ સૂણો લડવૈયા,

નજર બૂરી જ ઈરાદા નઠારા

ના જ પોંખશો પાખંડી ઓળા

મીટાવજો કલંક કથાઓ છૈયા

સમયનો સાદ સૂણો લડવૈયા,

ફૂલીફાલ્યા જ છે દૂષણો રંગે

રાજકરણ રમતું ઠગોને સંગે

નથી કાયર દો પડકારો ભૈયા

સમયનો સાદ સૂણો લડવૈયા,

જનશક્તિ એ મહાશક્તિ શાસન

વતન વીરો કુચળજો કુશાસન

જુએ રાહ જ પરિવર્તન ખેવૈયા

સમયનો સાદ સૂણો લડવૈયા

 

લોકશાહી પથ ભાઈ જનશ્રેયી

જન ચેતનાની ઉજાસી જ પ્રેયી

ધરી હામ ધાજો વીર સવૈયા

સમયનો સાદ સૂણો લડવૈયા.