સમય

એ તો છે દરિયાનાં ઉછળતા મોજા જેવો,

કદીયે ન અટકવાનો સ્વભાવ છે એનો !

ચાલે જો કોઈ સદા સંગ એની,

તો થાય સફળતા સાથી એની !

કરશો ન ક્યારેય નાકામ કોશિશો એને પકડવાની,

તાસીર છે એની બંધ મુઠ્ઠીમાંથી રેત જેમ સરકાવાની !

જેમ કદાપિ પાછું નથી ફરતું કમાનથી છૂટેલું તીર,

એમ કદાપિ નથી વળતા પાછા વહી ગયેલા સમયના નીર !

સમય જો કોઈનો સાચો સખો બન્યો,

તો એ જીવનની દરેક જંગ જીતી જાણ્યો !

એ માનવ ! સાચી એક સલાહને તું માન,

ઈશ્વર ને સમય છે જગમાં સૌથી બળવાન !