માતૃત્વ

માતૃત્વ કેરી વાત તારી અનોખી

ભૂલી દુઃખને હૈયે હરખાતી

નાની નાની પગલીઓ કાજે

ઈશ્વરના ધ્યાન તું ધરતી

નવ નવ મહિના કષ્ટ સહીને

બાળકને નવી દુનિયા તું દેતી

કડવી કડવી દવાના ઘુંટને

ચાખીને બાળકને પીવડાવતી

બાળકની એક મુસ્કાન જોવા

હજારો સંઘર્ષ તું કરતી

પ્રેમ અને હેતના હાલરડે

સંસ્કારની વાત તું શીખવતી

આવે નહીં આંસુ નાના બાળકમાં

ખોળામાં બેસાડી વ્હાલ વરસાવતી

નાની નાની આંગળી પકડી

બજારમાં તું એને ચલાવતી

દુનિયાની સામે ઉભો રાખવા

હિંમતના શબ્દો તું વરસાવતી

માતૃત્વ કેરી વાત તારી અનોખી

ભૂલી દુઃખને હૈયે હરખાતી