સમજો તો સારું !
સમજો તો સારું !
સૃષ્ટિના ચક્ર ને તોડી,
બંદિશોની પણ માઝા છોડી;
ના વર્તી સાવધાની ને,
કુદરતની આભા ડહોળી.
કૂડાં કચરાનાં ઢગ ખડકયાં,
ને જળનો કર્યો દુર્વ્યય;
જતનને બદલે વેડફી સંપત્તિ,
કર્યો સુંદર પ્રક્રૃતિનો ક્ષય.
આડેધડ વાપરી વીજળી,
ઈંધણનો કર્યો સત્યાનાશ;
કિંમતી હતું એ ના સચવાયું,
હવે પસ્તાવાનો ના અવકાશ.
સ્વાસ્થ્ય સાથે ચેડાં કર્યાં,
દહાડા જોયાં આજે દુઃખભર્યાં;
મૂક બનીને જોઈ રહ્યા જ્યારે,
હૈયે વાગ્યાં હાથનાં જ કર્યાં.