સમાજને તો એક જ આંખ હોય છે

માનવી જીવે એ ભ્રમમાં સમાજની જે શાખ હોય છે 

પણ આ સમાજને તો એક જ આંખ હોય છે,

એની જ હવામાં વિહરે, રાખે ઉડાન એની,

પંખીની સમાજનાં તો એક જ પાંખ હોય છે,

એના રિવાજોના થડમાં નવી ડાળ કયાં ફૂટે છે !

સમાજનાં વૃક્ષને તો એક જ સાખ હોય છે,

શાણા કહે સમાજ છે તો બધું છે. છે કે નહીં ?

એ દીર્ઘદ્રષ્ટાની દ્રષ્ટિમાં તોય ઝાંખ હોય છે,

"બેદર્દ" સમાજને કોનાં ભવની પડી છે ?

એની આબરૂના મૂલ તોય લાખ હોય છે.