સમાધાન

અહીં રોજ જાત સાથે સમાધાન કરીને જીવવું પડે છે. સમય અને સંજોગ માણસને ધીમે ધીમે પછી ઘડે છે.

ઇચ્છા મુજબ બધાને જીવનમાં સઘળું કદી મળતું નથી. સમજી લે જે આ વાત એ પછી દુ:ખી થઇને ના રડે છે.

હર કદમ આવશે અડચણો પણ હિંમતથી પાર થશે.

હોય ઇરાદા મજબૂત એને હિમાલય પણ ક્યાં નડે છે.

જૂઠી માન્યતાઓની કેદમાં રહીને જે જીવન જીવશે. પોતાના જ વિચારોની કેદમાં પછી એ રોજ સડે છે.

કુટુંબમાં પણ થાય કંકાશ કલેહ અણસમજથી જ્યારે. વડીલો કહેતા આવ્યા વાસણ હોય એ રોજ ખખડે છે.