શ્યામ સુંદર ગિરિધારી

ઓ શ્યામ સુંદર ગિરિધારી, હું આવ્યો દ્વારે તારી, 

તને મળવાની રઢ લાગી, ઓ શ્યામ સુંદર ગિરિધારી,

સુખ દુઃખના ચક્કર માંહી હું ભીંસાયો ભારી,

મને લે જે તું ઉગારી, ઓ શ્યામ સુંદર ગિરિધારી,

જીવનભર હું આમ તેમ ભટક્યો, ઉંમર વીતી ગઈ મારી,

કૃપા વરસાવ તું તારી, ઓ શ્યામ સુંદર ગિરિધારી,

જીવનનૈયા મઝધાર વચ્ચે, ડોલવાને લાગી,

પાર લઈ જા નૈયા મારી, ઓ શ્યામ સુંદર ગિરિધારી,

તું કરુણાનો સાગર છો ને, લીલા છે તારી ન્યારી,

શરણે આવ્યો 'મુરલી' તારી, ઓ શ્યામ સુંદર ગિરિધારી.