શું તું બે ચાર પળો નામે કરીશ

શું હું જેવી છું તેવી તું મને અપનાવી શકીશ ?

મારા દોષો સાથે તું મને સ્વીકારી શકીશ?

ધન દૌલત હીરા મોતીની કોઈ ખ્વાહિશ નથી.

પણ તારો પ્રેમ ભર્યો સ્પર્શ મને આપી શકીશ ?

રોજ તારા માટે તને ભાવતી ડીશ બનાવીશ,

બીમાર હોઉં ત્યારે શું તારા હાથે જમાડીશ ?

રોજ તો તારા પાસે કઈ માંગણી નહિ કરૂ,

પણ મારા જન્મદિવસે તું સરપ્રાઈઝ ભેટ આપી શકીશ ?

પૂરો દિવસ સાથે રહેવા માટે નથી કહેતી,

પણ જ્યારે ઉદાસ હોય ત્યારે આલિંગન આપી શકીશ ?

તારા સપના એજ મારા સપના છે હવે,

પણ ક્યારેક મારા એકાદ સપનાને તું હકીકત બનાવી શકીશ ?

મે તો તન મન જીવન બધું તને અર્પણ કર્યું,

પણ શું તું બે ચાર પળો મારા નામે કરી શકીશ ?

હું ક્યાં કોઈ વિદેશ ટુરની માંગણી કરું છું !

પણ ક્યારેક દરિયાની ભીની રેતમાં,

મારા પગલાં સાથે પગલાં પાડવા આવી શકીશ ?

મોંઘા રિસોર્ટ કે થિયેટરમાં જવાની મારી ક્યાં કોઈ અપેક્ષા છે!

પણ કોઈ ફૂલોથી મઘમઘતા બાગે મારા સંગે આવી શકીશ ?