શું તને યાદ છે ?

શું તને યાદ છે ?

આપણી એ અજાણી પણ,

જાણીતી બનેલી મુલાકાત,

થોડી થોડી પછી લાંબી થયેલી,

વ્હાલી વ્હાલી એ વાતો,

મને યાદ છે,

 

શું તને એ યાદ છે ?

તેં જોયું 'તું કોઈની સામે ને,

થયેલો એ પહેલો ઝઘડો,

અશ્રુને પાંપણથી પડતા પહેલા,

પકડીને આપ્યું તેં પ્રણ

"કદી રડીશ ના હવે,

હું શાખી ના શકું તારા અશ્રુ"

એ વાત મને યાદ છે,

શું તને યાદ છે ?

"ભૂલી જજે મને સ્વપ્ન સમજી"

કહ્યું હતું તમે

મને હજી યાદ છે...

પણ, એક વાત પૂછું ?

શું તને હું યાદ છું ?