શું કરશો ?

આમ ઉદાસ બેસીને શું કરશો ?

છાનાં આંસુડા સારીને શું કરશો ?

જે હતું કાંઇ થવાનું, થઇ ગયું ,

તો પછી ગુસ્સો કરીને શું કરશો ?

ગયા છો વધી ઘણા આગળ તમે , 

તો હવે પાછા ફરીને શું કરશો ?

લાલચોળ થયો છે એક ગાલ તો , 

પછી બીજો ધરીને શું કરશો ?

હોય મરવાનું તો એક જ વાર , 

આમ રોજ રોજ મરીને શું કરશો ?

તરવાની મજા તો હોય સમુદ્રમાં જ ,

નાનાં ખાબોચિયામાં તરીને શું કરશો ?

ચેન તો ગયા છો અમારાં હરી તમે , 

'જશ' હવે ચીર હરીને શું કરશો ?