શું કહું
શું કહું
શું કહું તને, તું નારી છે કે ચુંબક ?
તારી શરબતી આંખોનું છે આકર્ષણ,
રૂડા, રૂપાળા ઘાટીલા દેહનું છે આકર્ષણ,
રેશમી ઝુલ્ફોની લચીલી લટનું છે આકર્ષણ.
શું કહું તને, તુ નારી છે કે ચુંબક ?
તારા ગોરા ગાલના ખંજનનું છે આકર્ષણ,
કળી સમ ચમકતા સફેદ દાંતનું છે આકર્ષણ,
રસબતર ગુલાબી અધરનું છે આકર્ષણ.
શું કહું તને, તું નારી છે કે ચુંબક ?
સ્નેહ નીતરતા તારા હૈયાનું છે આકર્ષણ,
હથેળીમાં મુકેલ મેંદીની મહેકનું છે આકર્ષણ,
મીઠી મધ જેવી અમૃતવાણીનું છે આકર્ષણ.