શું ભરોસો આ જિંદગીનો
શું ભરોસો આ જિંદગીનો
શું ખબર આ દિલ ક્યારે થંભી જાય,
શું ખબર ક્યારે મોત આવી જાય,
કાયમ માટે છે એ ભ્રમમાં તું પડીશ ના,
શું ભરોસો આ જિંદગીનો ?
માલ - મિલ્કત ને તારી આ જવાની,
બસ ચાર દિનની છે જિંદગાની,
છે ત્યાં સુધી હક્ક અદા કર્યા કર બંદગીનો,
શું ભરોસો આ જિંદગીનો ?
બધું જ અહીં છોડી એક દિન છે જવાનું,
બસ કબર છે તારું છેલ્લું ઠેકાણું,
ભૂલથી પણ ફાની દુનિયાથી દિલ લગાવીશ ના,
શું ભરોસો આ જિંદગીનો ?
ક્યાં કોઈ કાયમ માટે રહ્યા ને રહેશે અહીં,
બસ આદમીનું નામ જ રહેશે અહીં,
"નાના" તું અહીં જીવી રહ્યો છે બેફિકરાઈથી,
શું ભરોસો આ જિંદગીનો ?