શાને કાજે ?

સુગ છે મને ઔપચારિક શુભકામનાઓની,

લાગણી વિહોણા ગતકડાં શાને કાજે ભજવાનાં ?

મિસરીની એક કણીથી રાજી થશે દિલ મારું,

ખોટા દંભ દેખાડાનાં ભારણ શાને કાજે વેઠવાનાં ?

તાળીઓનાં ઠાલા ટપાકાથી પરેશાન છું હું,

નકલી ખુશીઓનાં વાઘા શાને કાજે પહેરાવવાનાં ?

હો સાચી મહિમા જન્મદિન તણી હૃદયમાં,

એ સ્વજનને મીઠું હસતાં બળ શાને કાજે પડવાનાં ?

શું, ઓછી છે રોજ ભજવાતી ભવની ભવાઈ,

દીપાવલી જન્મદિનનાં ઉપાડા શાને કાજે લેવાના ?