સગપણની જીત

તારા પ્રશ્નોના ખૂણામાં એક જ ફરિયાદ છે,

મારા ઉત્તરના આંગણે એક હરખતું સ્મિત.

મોકલી પ્રભાતમાં સંદેશા અમને

લાગે થાય આપણાં આ સગપણની જીત.

વેરાઈ જાય આંખોના સપનાઓ તોય નહીં

બદલાશે આ જીવવાની રીત,

કોઈ કહેશે અમે લાડકવાયા છીએ અને

કોઈ કહે અમે નંદવાયેલી ભીત.

મોકલી પ્રભાતમાં સંદેશા અમને

લાગે થાય આપણાં આ સગપણની જીત.

વહેતા પવનને આપી દિશા સુગંધની,

રેલાય છે તારા સંગનું સંગીત.

નજરની ભાષાને શણગારુ આંખોથી,

અદબથી શીખવી તમે શબ્દોની શિસ્ત,

મોકલી પ્રભાતમાં સંદેશા અમને

લાગે થાય આપણાં આ સગપણની જીત.