સગપણ નું એક મોતી દઈ જા

હું ક્યાં કહું છું સૂરજ બની આકાશે વસી જા

બસ દીપક બની કેડી કંડારી જા,

હું ક્યાં કહું છું મેઘ બની વરસી જા

બસ ઝરણું બની લોકોની તૃષા છીપાવી જા,

હું ક્યાં કહું છું વસંત બની બાગબાન મહેકાવી જા

બસ થોડી મદદથી કોઈની જિંદગી મહેકાવી જા,

હું ક્યાં કહું છું દરિયો બની અપાર લૂંટાવી જા

બસ જીવવા માટે સગપણનું એક મોતી દઈ જા,

હું ક્યાં કહું છું પારસમણિ બની બધું કંચન બનાવી જા

બસ તારા પ્રેમના સ્પર્શે જિંદગી મહેકાવી જા,

હું ક્યાં કહું છું જિંદગીભરનો સાથ દે

બસ જીવન યાદગાર બનાવવા થોડી પળોનું સંભારણું દે.