સાવજડાં ! ગીરનાં રાજા

હે એવાં હાથીના હણનારા રે,

સાવજડાં ! ગીરનાં રાજા,

હે એવાં મર્દ મૂછાળા રે,

સાવજડાં ! ગીરનાં રાજા,

હે તારી ડણકું આખું મલક સાંભળે,

હે એવાં ગિરનાર ધ્રુજવનારાં રે,

સાવજડાં ! ગીરનાં રાજા,

હે તું તો મોટી જટાળો જોગી લાગે,

હે એવાં શક્તિને પૂજનારાં રે,

સાવજડાં ! ગીરનાં રાજા,

હે તારો પંજો પડે ત્યાં ધરતી ધ્રુજે,

હે એવાં બ્રહ્માંડને ધ્રુજવનારાં રે,

સાવજડાં ! ગીરનાં રાજા,

હે તારાં દાંત ભાલા-તલવાર લાગે,

હે એવાં નખથી નભ ફાડનારાં રે,

સાવજડાં ! ગીરનાં રાજા,

હે તારાં ગીતડાં આ 'અર્જુન' ગાવે,

હે એવાં ડાલામથ્થા રાણા રે,

સાવજડાં ! ગીરનાં રાજા.