સાહિત્યના પાઠ

કાવ્ય લખું છુ હૃદયના ભાવોથી,

કોઈ સ્નેહના ફૂવારા તો ઊડાવો !

કલમમાં શાહી સૂકાવા આવી છે,

કોઈ શાહીની સરિતાતો વહાવો !

લખતા લખતા કાગળ ખૂટ્યાં છે,

કોઈ ધરતીને કાગળ તો બનાવો ! 

કાવ્યો મેં તો પ્રેમથી લખ્યાં છે,

કોઈ તાળીઓ પાડીને તો વધાવો !

ધન કે દોલત માંગ્યા પણ નથી મેં,

કોઈ સન્માન આપીને તો અપનાવો !

શબ્દોની જંજાળમાં હું ખોવાયો છું,

કોઈ શબ્દો વિણાવવા તો આવો ! 

"મુરલી" સાહિત્યની દુનિયામાં નવો છું,

કોઈ સાહિત્યના પાઠ તો ભણાવો !