રોમેરોમમાં એ સમાઈ ગઈ

પડી એની પહેલી નજર,

હૈયા પર એની છબી કોતરાઈ ગઈ

આ હૈયું થઈ ગયું ઘાયલ,

જ્યારે મારી સામે થોડું મલકાઈ ગઈ.

નજરથી નજર મળી એ થોડું શરમાઈ ગઈ,

લાગ્યું જાણે એ દિલથી થોડું હરખાઈ ગઈ !

એની શર્મિલી સુરત મારા હૈયે છપાઈ ગઈ,

મારા દિલો દિમાગ પર જાણે છવાઈ ગઈ !

લાગ્યું એવું જાણે કે બે પળમાં જિંદગી જીવાઈ ગઈ !

એની કામણગારી આંખો થકી મારા હૈયે સમાઈ ગઈ.

મારા હોંઠ પર ગીત બની એ ગવાઈ ગઈ,

જાણે મારા રોમે રોમમાં લહુ બની એ સમાઈ ગઈ !