રંગોત્સવ

બીબાઢાળ લાગતી જિંદગીમાં રંગોનું આગવું સ્થાન છે

રંગ આપણી જિંદગીને રંગીન બનાવવા માટે શક્તિમાન છે,

દરેકે દરેક રંગની છે પોતાની ઓળખ, ઊર્જા અને આગવી પોત

રંગોમાં સમાયું આપણી વિવિધ લાગણીઓનું અનુસંધાન છે,

શબ્દોને પણ હોય છે આગવો સ્વાદ, શબ્દો પણ ઊડાડે છે રંગ

શબ્દરૂપી આસમાનમાં ગીત, ગઝલ કે કવિતા મેઘધનુષ સમાન છે,

રંગોની રંગીન બહાર ને આપણી સંસ્કૃતિએ વણી લીધી છે તહેવારોમાં

રંગોત્સવ રૂપે મનાવાતી હોળી – ધુળેટી, જિંદગીને બનાવે મસ્તીમાં ગુલતાન છે,

અંધજનોની દુનિયા હોય છે રંગોના આનંદથી પણ વંચીત

ચક્ષુદાન કરીને આપણે, એમની જિંદગીમાં રંગોનું કરવાનું અભયદાન છે.