રહસ્ય જીવનનું
રહસ્ય જીવનનું
હવે કાયમ આ ફૂલોનાં જ નગરમાં રમવાનું,
ને રોજ અદ્રશ્ય ખૂશ્બૂની ખબરમાં જીવવાનું !
રોજ આળસ મરડીને ખિલીને ખોવાયા પછી,
તારા જ ચરણે ખાલી ખોળિયું અર્પણ કરવાનું !
એક ખિલાવટ ને એક મુરઝાહટ વચ્ચે જ,
રહસ્ય આ જીવનનું સાક્ષીભાવે સમજવાનું !
રોજ આમ સજાવટ થવાની ને પછી મટવાની,
રોજ શૂન્યતા પછી પૂર્ણતા માટે તૈયાર થવાનું !
તારા "પરમ" ચરણમાં મુકામ મારો રહે સદા,
જનમ જનમ "પાગલ" થઈ તને જ પામવાનું !