રહેમતોની બરસાત

તારા સાથની મને આદત થઈ ગઈ,

તારા સાથ થકી જિંદગી જાણે જન્નત થઈ ગઈ !

તારી ચાહત એજ મારી ઇબાદત થઈ ગઈ,

મળ્યો તારો પ્રેમને આ જિંદગી જાણે ઝવેરાત થઈ ગઈ !

જિંદગી હતી ગાઢ અંધકાર ને તારા સંગે ઉજળી પ્રભાત થઈ ગઈ,

તારા મહોબતનું મોતી પામી આ જિંદગી જાણે મોંઘી મિરાત થઈ ગઈ !

છે તારા પ્રેમમાં એવી તાકાત કે ,મારા હૈયે તારી રિયાસત થઈ ગઈ,

મારા તૂટેલ હૈયાની જાણે મરામત થઈ ગઈ !

આંખો આંખોથી જાણે આપણી વાત થઈ ગઈ,

હૈયાની વાતોની જાણે શબ્દોમાં રજૂઆત થઈ ગઈ !

મારા હૈયે જાણે તારા પ્રેમની વસાહત થઈ ગઈ!

જાણે અલ્લાહની બેશુમાર રહેમતોની બરસાત થઈ ગઈ !