રેતીનું સપનું
રેતીનું સપનું
1 min
301
પાણી વિના તડપતી હશે રેતી કદાચ,
એટલે જ એ તપતી હશે કદાચ.
હૃદયમાં વેદનાઓ હશે બેહિસાબ,
એટલે જ પથિકોને દઝાડતી હશે કદાચ,
સ્વજનના સાથ વિના હૈયું તૂટ્યું હશે કદાચ,
એટલે જ બંજર જમીન જેવી થઈ ગઈ હશે કદાચ,
મિલનની ઝંખના હશે એના હૃદયમાં કદાચ,
એટલે જ વંટોળની સાથે ઊડતી હશે કદાચ.
જળ વિના વ્યથિત થતી હશે કદાચ,
એટલે જ મૃગજળ બની તરસાવતી હશે કદાચ.
એનું પણ સપનું હશે ગુલાબ ખીલવવાનું કદાચ,
એની અસમર્થતા ને કોસતી હશે કદાચ,
એટલે જ મૃગજળ બની રડતી હશે કદાચ.