રે લાલજીને વ્હાલા હિંડોળા

 રે ઢોલ વાગે ને ઊડે ગુલાલ

 બાંધ્યા અમે ચાંદી હિંડોળા

 ઝૂલો ઝુલાવું રે ભરી ભાવ

 રે લાલજી ને વ્હાલા હિંડોળા,

 

 આંગણ પધારજો અષાઢી નોમજી

દે ગોવર્ધન તેડાં ઠાકોરજી

 હીંચો હરિ હરખથી ઊંચે રે ડાળ

રે લાલજી ને વ્હાલા હિંડોળા,

 

 આવી છે શુક્લા શ્રાવણની નોમજી

 દે છે સાદ ઘેલાં રાણી રે યમુનાજી

 ઝૂલાવું જઈ ઊંચે કદમની ડાળ

 રે લાલજી ને વ્હાલા હિંડોળા,

 

 હીંચે જ વૃન્દાવન ને હસે માવડી

 નાચો રે મોરલા થનગન રૂપાળા

 સ્નેહની અમે બાંધી અમે દોર

 રે લાલજી ને વ્હાલા હિંડોળા.